✍ الطيب صالح العطا : كلام القوم من لا يرحم لا يرحم

- لم يكن هذا مقالي لهذا اليوم ولكن الظروف جعلتني أكتب من داخل الطائرة تاركو والتي حضرنا لميزانها الخامسة إلى خمس دقائق وأكملنا الإجراءات وكان مقرر لها الإقلاع الثامنة إلا خمس دقائق ولكنها أقلعت متاخرة ثلث ساعة ومن ملاحظاتي أن الطعام للركاب ركب معنا في نفس الباص الذي أوصلنا للطائرة وأسفت لذلك وتذكرت أيام :الكترنج ؛ بمطار الخرطوم سابقاً وكيف يجهز ويرسل بعربة مخصوصة لذلك المهم لما وصلنا سماء بورتسودان إعتذر الكابتن عن الهبوط لسوء الأحوال الجوية وعاد بنا إلى جدة وبقينا داخل الطائرة وحتي الآن أربع ساعات ولم يعبرنا أحد ولم يحضر لنا ماء أو طعام وعلمت أننا سننتظر ثلاثة ساعات أخرى من مصادري الخاصة ماذا سيحدث بعد ذلك لا ادري السؤال المهم هل كان يعلم كابتن الطائرة أن بورتسودان لاتمكنه الأحوال الجوية من الهبوط فيها وهل المعلومات منسابة أم لا توجد معلومة وهل الخلل إدراي أم عدم إهتمام أم عدم مسئولية إلي متي يظل السوداني بلا قيمة عند المسئولين في كل المجالات لا تنسيق لا متابعة لا محاسبة لا إعتبار ولا إهتمام ٠واين نحن من كلام الحبيب صلى الله عليه وآله وصحبه وسلم : من ولي من امر أمتي شيئا فشق عليهم اللهم فأشقق عليه وإني احب إذا عمل احدكم عملا فليتقنه :أخشي ان نصير داخل الطائرة ومعنا نساء واطفال وكبار سن كتلك القطة التي حبستها صاحبتها لم تطعمها ولم تتركها تأكل من خشاش الأرض٠ نحن أوكلنا أمرنا لله فكل شيئ باقداره وأنا أكتب قال الكابتن الصالات ملانة وفي أولوية للنزول قلنا كويس واخشي ان يكون فندقنا طائرتنا خليناها الأولوية الموية ساي مافي؟ غايتو بلدنا دي يا ربنا يستبدلنا كلنا أو يرزقنا بحجاج أصلوا التسليط جانا وما إستفدنا !! إن الخليفة قد عجم العود فوجدني امرها عودا وتحسس السهام فوجدني احدها رمحا فقذفني بكم وإني اري روؤسا قد أينعت وحان قطافها وإني لصاحبها فلو قلت لأحدكم أخرج من هذا الباب فخرج من الباب الآخر قطعت راسه!!! دا الشغل..

- ياناس أخير تشدوا حيلكم نحن نعبد الله ولا نعبد الديمقراطية وعرفنا حقوق الإنسان من كتاب الله عز وجل ومن سنة نبيه عليه الصلاة والسلام ٠فكونا من الخطابات والكلام المعسول إشتغلوا إدارة عرفوا كل مسئول عن عمل مسئولياته وحدوده وقبلا أعملوا خطط لكل عمل لكي نستطيع ان نحاسب المسئول علي الاداء كفايه فوضي وسبهللية أرحمونا يرحمكم الله ٠كل الدول التي زرناها تقدمت بالعلم والعمل والتخطيط والمسئولية والمحاسبة ٠ماتقوم القيامة ويجمعوا مننا الورق فاضي!! ولا عذر امام الخالق وهو يعلم خائنة الأعين وماتخفي الصدور ٠ وانا بكتب الناس إحتجت جابو عصير ومويه ربنا يسهلا ٠ إن شاء الله نصل قبل مواعيد النشر ٠طبعا نحن لسنا ضد تاركو او مع غيرها ونعلم مجهوداتها ووقفتها المشرفة مع الجيش والمواطنين لكن اولي لك فاولي والشغل شغل والإدارة إدراه٠بوريكم باقي القصة لي قدام٠الحاجه اللذيذه بتي ضربت قالت لي اشحن جوالك محل الشاشه في الطائرة هو لا في شاشة لا محل شحن مسكينة قايلاها النرويج البركة في الموية

- كسرة:

- في مواقف صعبه خلاص في الحي السوداني مدني وانا طالب كنت بقضي فترة الإجازة مع خالي محمد الحسن علي الرجل النزيه الذي كان مساعداً لحاكم الجزيرة للأراضي وحتي خرج منها لايملك قطعة أرض لا هو ولا بناته وأولاده له الرحمة والمغفرة ٠المهم كنت معزوم في بيت اسرة كريمة شاي وكيك وتورته عجيبة البيوت طبعاً كبيرة وقاعدين في حديقة المنزل وباب الشارع فاتح فجاه لقيت روحي قاعد براي خالد ود خالي حايم بي بره يتاوق فجاة جاء جاري شال التورته وجري لما ناس البيت جوني لاحظوا التورتة مافي وأنا خشمي يابس بقوا إتبسموا وإعاينوا لي وأنا ود الخرطوم ود قلبا لا عرفت أقول خطفتها كديسة والدنيا ليل حديه ذاتها مافي الونسه غلبتني غايتو ياخالد الله يسامحك كان عندي نية حنك ولا قصة طفشتها وانا بنات خالي يوصوا فينا عشان تكون راقي قول ليهم الشاي بدون! اها بقي بدون تورتا ذاتو اي عيزومه اقفلوا الباب اول حاجه!!